ولقيت ابو موسي بيقولي هو مين ده انت تعرفه.. قلتله لا.. بس ع العموم اهه ربك رزق.. قوم تعالي بقي ياعم نقعد في العربيه ونقسم الفلوس سوا ع سبيل الهزار يعني.. قام معايا عم ابو موسي ودخلنا العربيه وطلع الفلوس وفضل يعد طلعوا كام؟؟ ٢٥٠٠جنيه.. بص للفلوس كده وقعد يعيط اكتر من الاول بسأله وبقوله طب ليه بټعيط ماربنا رزقك والحمد لله.. رد علي وقالي انا بعيط عشان رحمه ربك ولطفه انا بقالي ست شهور مدفعتش ايجار الشقه والراجل
صاحب البيت بيقولي عليه كل شويه واجمالي الايجار ٢٣٠٠جنيه وانا زهقت من الراجل لانه عارف حاله ابني ومش مقدر وبرضه مش صابر.. فاانهارده الصبح وانا أصلي دعيت ربنا قلتله يارب انا راجل علي الله وانت عالم بحالي ورزقي رزق اليوم بيومه.. فيارب ارزقني بفلوس الايجار ياما تحنن قلب الراجل علي ومتخلهوش يطالبني لحد ما انت برضه ترزقني.. فسبحان الله ربنا خلي ال٢٠٠جنيه تحلو في عيون سواق التاكس عشان يخدها ويجري.. عشان يجي واحد تاني
يديله اللي طالبه من ربنا مع ان استحاله حد في مكان سواق التاكس يعمل اللي هو عمله ده.. لو كافر وقلبه حجر عمره ماهيسرق من قدام مستشفي السړطان لكن اراده ربنا خلاه ياخد الفلوس عشان يدي لعبده اللي طلبه حتي لو بطريقه غير مباشره ..ربنا رزق ابو موسي ب٢٣٠٠جنيه ايجار الشقه وال٢٠٠جنيه اللي اخدها سواق التاكس.. انا سمعت كده من عم ابو موسي وسلمت عليه ونزل من العربيه روحت قاعد جوه العربيه عمال اعيط واقول انت حنين علي عبادك
وستار ومنقذ بجد من اصعب المواقف اللي عدت عليا في حياتي نشكر الله علي عظيم صنعه تعليقى عالبوست من جهه اخرى انت متعرفش الراجل اللى راكب الجيب ده حاله ايه تلاقيه مبتلى ببلاوى و نازل يدور على حد عشان يطلع له صدقه يداوى بيها بلاويه فى النهايه كلنا محتاجين لبعض ..دى الخلاصه ..فياريت نهدى كده كلنا على بعض عشان تعدى ...عدى بقى يا دنيا مش عايزين منك حاجه طالبين الستر...و حسن الخاتمه و دوام الصحه .
